Sykurmagn í morgunkorni og einstaka mjólkurafurð getur jafngilt sykurmagni í kexi og jafnvel sælgæti. DV tók saman hve mikinn sykur morgunkorn og mjólkurafurðir innihalda, en vörurnar eru algengar á morgunverðarborðum landsmanna.

Setjir þú pakka af Lucky Charms eða Coca Puffs á morgunverðarborð barna þinna ertu að bjóða þeim sætasta morgunverð sem völ er á. Sykurinnihald í þeim er yfir 40 prósent að því er Neytendablaðið greinir frá. 

Þar segir að fjölþjóðleg rannsókn sýni að flestar gerðir af morgunkorni, sem ætlaðar eru börnum, innihaldi alltof mikinn sykur sem er oft meira en í kexi eða kökum. Á meðal þess morgunkorns sem mestan sykur inniheldur má nefna Guldkorn, Coca Puffs og Honey Nut Cherrios en þessar tegundir innihalda 34 til 35 grömm af sykri af hverjum 100 grömmum.



Sykurmagn ekki gefið upp
Sú mjólkurvara sem efst skipar sér á lista yfir sykurinnihald er hrísmjólk. Samkvæmt upplýsingum af heimasíðu Mjólkursamsölunnar reiknast sykurinnihaldið í hrísmjólk með kanilsósu 23,3 grömm. Á heimasíðunni er ekki hægt að sjá hversu mikinn sykur mjólkurafurðir fyrirtækisins innihalda. Í samtali við Björn Gunnarsson, vöruþróunarstjóra MS, er þumalputtareglan sú að sykurinnihald í mjólkurvörum megi finna út með því að draga 4 grömm (eða 4 prósent) af 100 grömmum af uppgefnu magni af kolvetnum í vörunni. Kolvetni í 100 grömmum af hrísmjólk eru 27,3 grömm. Náttúrulegur mjólkursykur er í öllum mjólkurafurðum um 4 prósent. Ef hann er dreginn frá kolvetnamagninu fæst sykurinnihaldið út, 23,3 grömm. Það jafngildir tæplega venjulegum 12 sykurmolum, sem hver er 2 grömm á þyngd.

Hreint Krakkaskyr er sykurlaust 

Fleiri mjólkurafurðir innihalda mikið magn sykurs. Nægir þar að nefna engjaþykkni en í 100 grömmum er 13,9 grömm af sykri. Í skyr.is með perum eru um 11,6 grömm af sykri í hverjum 100 og í léttjógúrti með vanillu er sykur 10,7 prósent. 

Þær mjólkurvörur sem lítinn eða engan sykur innihalda eru súrmjólk, hrein ab mjólk, hreint Krakkaskyr ásamt dagmáli með hindberja og vanillubragði svo dæmi séu tekin. Af sykurlitlu morgunkorni má nefna Cherrios og Weetabix en hvor tegund um sig inniheldur á milli 4 og 5 prósent af sykri. Kornflex inniheldur 8 prósent sykur en Solgryn haframjöl aðeins 1 gramm í hverjum 100.

Einstaklingsbundnar þarfir 

Ólafur Gunnar Sæmundsson er næringarfræðingur og höfundur bókarinnar Lífsþróttur, næringarfræði fróðleiksfúsra. Hann segir að orkuþörf fólks sé afar mismunandi og ráðist af því hvað fólk aðhafist yfir daginn. Þeir sem séu of þungir og hreyfi sig lítið eigi vitaskuld að neyta sykur- og fitusnauðra matvæla. „En fyrir unglingspilt í mikilli hreyfingu eða átökum er ekkert óeðlilegt við það að hann neyti orkuríkra, jafnvel sykurmikilla afurða. Það sem skiptir máli er hvernig dagurinn kemur út, ekki endilega einstök máltíð. Það getur vel verið að sá sem borðar feitt bjúga í hádegismat hafi borðað mjög skynsamlega þegar dagurinn er á enda runninn,“ segir Ólafur og bendir á að orka fáist meðal annars úr sykri og fitu.

Getur ýtt undir átröskun
Ólafur segir að Mjólkursamsalan hafi verið dugleg að framleiða og koma með á markað sykursnauðar mjólkurafurðir. Hann varar við því að matvæli séu ýmist flokkuð sem holl eða óholl. „Umræðan hefur að miklu leyti snúist um megrun. Ég hef lengi verið á þeirri skoðun að sífellt tal um hollan eða óhollan mat ýti undir átröskunartilhneigingu, bæði hjá börnum og unglingum. Börnum sem fylgja þessum skilaboðum hættir til að borða of lítið,“ segir hann. Ólafur á þrjú börn sjálfur. Hann segir að honum detti ekki til hugar að eltast við orkusnauðar afurðir handa börnum sínum. „En fólk sem á í vandræðum með holdafarið á að sjálfsögðu að gæta hófs í orkumiklum matvælum,“ segir hann.



Jafn mikill sykur og í nammi 

Sumir hafa haldið því fram að neysla á sykurríku morgunkorni jafngildi því að borða hreinlega nammi. Ólafur segir aðspurður að mjög sykruð morgunkorn og mjólkurvörur geti flokkast til sælgætis. Hann bendir þó á að meira að segja í Cocoa Puffs sé að finna mikilvæg prótein og vítamín. Og þó að engjaþykkni innihaldi mikinn sykur þá sé afurðin sneysafullt af kalki og próteinum. „Öll fæða gefur eitthvað sem við þurfum á að halda. Smjör er ekki flokkað sem hollustuvara en gefur okkur þó orku í formi fitu og bæði a og b vítamín. 

Ólafur telur að mataræði ungmenna sé mun betra nú en það var fyrir tíu, tuttugu og jafnvel þrjátíu árum. „Þegar ég var ungur var manni gefið mjög sykrað skyr. Þegar maður þurfi nesti með sér þá innihélt það jafnvel djúpsteiktar kótilettur. Neysla grænmetis og ávaxta í dag er mun meiri en áður hefur verið, að því er ég best þekki,“ segir hann.

Sykurmagni leynt? 

Sykurmagn mjólkurafurða er sjaldnast gefið upp á umbúðunum. Björn segir ástæðuna þá að lög kveði ekki á um slíkt. Ef þær upplýsingar væru gefnar þyrfti einnig að birta nánari sundurliðun á næringarinnihaldi en sjaldnast væri pláss fyrir slíkt á litlum umbúðum. Sykurmagn er heldur ekki gefið upp á heimasíðu MS, nema í einstökum tilvikum. Björn segir að þetta hafi verið rætt í fyrirtækinu en að framtaksleysi sé ástæða þess að því hafi ekki verið hrint í framkvæmd. Ólafur segir aðspurður að hann vilji sjá bragarbót á þessu. Upplýsingar um sykurmagn ættu að hans viti að liggja fyrir.

Sykurmagn í 100 grömmum:
Lucky Charms er 40,7
Cocoa Puffs 40,5
Guldkorn 35,0
Coco Pops 34,0
Honey Nut Cherrios 33,9
Weetos 23,5
Hrísmjólk m. kanillsósu 23,3
Special K 17,0
All-Bran 17,0
Engjaþykkni 
jarðarb. 13,9
Weetaflakes 12,5
Skyr.is m. perum 11,6
Léttjógúrt m. vanillu 10,7
KEA skyr m. bananasp. 10,2
Rice Krispies 10,0
Húsavíkur jógúrt bláb. 9,6
SMS smáskyr 8,4
Þykkmjólk jarðarb. 8,2
Corn Flakes 8,0
Skólajógúrt m. bananab. 7,5
Óska jógúrt blönd.áv. 7,4
Skyr.is jarðarb. 6,8
MS skyr bláb. 6,2
KS súrmjólk m. karam. 6
Krakkaskyr banana 4,5
Cherrios 4,5
Weetabix 4,4
Solgryn 1,0
Krakkaskyr hreint 0
Dagmál m. hindb. og van. 0
Kea skyr hrært 0
Súrmjólk 0
ab mjólk hrein 0

Heimild:

Upprunaleg frétt á DV

Birt með góðfúslegu leyfi heilsufrelsi.is

Já, það er skemmtilegt að leika sér úti í sólinni, liggja í sólbaði og fá smá brúnku á kroppinn.

En ef þú gleymir að bera á þig sólarvörn, þá er það ekki eins gaman þegar líður á daginn. Sólbruni skemmir húðina, hún verður hrukkótt og hættan á húðkrabbameini eykst.

Hérna eru nokkur góð ráð til að lækna sólbruna ef þú ert svo óheppin(n) að hafa brunnið.

Taktu Ibufen. Það hjálpar þér að losna við verki, ef þú finnur fyrir þeim og Ibufen er bólgueyðandi svo það getur dregið úr bólgum sökum sólbruna.

Matarsódi. Farðu í snöggt kalt bað. Blandaðu nokkrum vel fullum matskeiðum af matarsóda í vatnið. Vertu bara viss um að liggja alls ekki lengur en 20 mínútur í baðinu. Ef þú liggur lengur, þá er hætta á því að þú þurrkir upp húðina. Eftir baðið skaltu þurrka brennda húðina rétt með því að þerra með handklæði. Alls ekki hamast á brenndu húðinni með handklæðinu, þú gerir bara illt verra með því.

Aloe Vera er þinn besti vinur núna. Aloe Vera gel eða krem er afar kælandi og græðandi. Það getur létt á kláða og verkjum vegna sólbruna.

Vatn! Vatn! Vatn! Sólin þurrkar upp húðina þannig að vertu viss um að drekka nóg af vatni yfir daginn. Alls ekki leggjast í kokteilana, það gerir illt verra.

Forðastu að nota sápu. Þegar þú ferð í bað eða sturtu ekki þvo þér með sápu. Sápan pirrar brennda húðina og orsakar mikinn húðþurrk.

Kartöflur. Já það er rétt, kartöflur eru frábær leið til að losna við verki. Taktu nokkrar kartöflur og skerðu í bita, settu þær í blandarann og bættu við extra virgin ólífuolíu, leyfðu þessu að blandast vel saman. Síðan berðu þessa blöndu á brennda hlutann á húðinni. Hafðu þetta á þangað til kartöflublandan er orðinn þurr. Þú mátt endurtaka þetta 3 til 4 sinnum.

Te aðferðin. Settu 4 poka af tei í pott með heitu vatni. Þegar vatnið er næstum orðið svart skaltu fjarlægja tepokana og leyfa vatninu að kólna aðeins. Því næst tekur þú þvottapoka og dýfir í teblönduna og strýkur varlega yfir brenndu svæðin. Ekki skola þetta af. Ef þú vilt fá enn meiri kælingu skaltu setja teblönduna inn í ísskáp eða hella henni í ísmolabox og setja inn í frysti. Þá getur þú notað ísmolana til að strjúka yfir brenndu svæðin.

Þetta eru bara nokkrar einfaldara leiðir til að lækna sólbruna. Ef þú lumar á góðri leið til að lækna sólbruna, endilega sendu þær til okkar.

Mundu bara, ekki fara út í sólina nema bera á þig sólarvörn.

Höfundur: Anna Birgis 

Hún Kristín Jóhanna Gunnarsdóttir var bitin af skógarmítli í Borgarfirði á dögunum. Hún segir að hún hafi verið bitinn einhversstaðar á svæðinu milli Borgarness og Svignaskarðs. Hún segir að sársaukinn sé mikill en hún fór strax á lyf og þetta hjaðnar með hverjum deginum.

Mynd úr einkaeign Kristínar

Hún.is birti á dögunum grein um skógarmítilinn og við viljum hvetja alla til þess að kynna sér hana.

Fyrirbyggjandi aðgerðir

• Skynsamlegt er að afla upplýsinga um hvort skógarmítla sé að finna á því svæði sem dvalist er á.
• Kynna sér hvernig skógarmítill lítur út.
• Reynist skógarmítlar á svæðinu er rétt að vera útbúinn oddmjórri pinsettu.
• Klæðast fatnaði sem hylur líkamann vel, s.s. síðbuxum og langerma bol eða skyrtu, einkum ef farið er um skóg eða kjarrlendi. Nota ljós föt svo að mítlarnir sjáist betur.
• Nota mýflugnafælandi áburð.
• Þegar komið er af varasömu svæði þarf að skoða líkamann vel til að kanna hvort mítill hafi bitið sig fast í húðina.
• Ef mítill hefur sogið sig fast til að nærast á blóði er rétt að fara að öllu með gát þegar mítillinn er fjarlægður. Það er best gert með því að klemma pinsettuodda um munnhluta mítilsins og lyfta honum beint upp frá húðinni (mynd 5). Forðast skal að snúa honum í sárinu. Þetta kemur í veg fyrir að innihald úr mítlinum geti spýst í sárið eða hluti hans verði eftir.

Almennt er talið að ekki sé hætta á sýkingu fyrr en eftir að mítillinn hefur dvalið í sólarhring í húðinni.

Brjóstnám er óneitanlega gríðarlega stór upplifun fyrir konur og vandmeðfarið ferli sem getur haft gríðarleg áhrif á sjálfsmynd kvenna.

Sumar konur ákveða að undirgangast ekki endurbyggingu brjóstsins að loknu brjóstnámi og þannig greindum við ekki alls fyrir löngu frá undursamlegri baðfatalínu sem var í höndum finnskra hönnuða. En fjölmargar konur kjósa hið andstæða, að leggjast undir hnífinn afur í þeim tilgangi að endurheimta fyrra útlit og líkamslögun.

Það sem ekki margir gera hins vegar ráð fyrir í fyrstu, er að ekki er nóg að endurbyggja brjóstið, því geirvörtuna sjálfa getur vantað og þá eru góð ráð dýr. Skurðlæknir framkvæmir ekki slíka aðgerð, heldur þarf í einhverjum tilfellum að teikna nýja geirvörtu á brjóstið og þar kemur húðflúr til sögunnar.

Hér má sjá stórkostlegt myndband þar sem konu einni er fylgt í aðgerðina sjálfa; ferðalaginu að endurheimtingu geirvörtunnar eftir endurbyggingu brjóstsins. Listamaðurinn sem hér er að verki heitir Vinnie Myers og er einn af þeim færustu á sínu sviði:

Það er okkur öllum hugleikið á einhverjum tímapunkti lífs okkar að hægja á öldrun húðar okkar og þar kemur mataræði okkar sterkt inn. Þetta vitum við svo sem öll en oft getur verið gott að fá smá upprifjun. Hér á eftir kemur einmitt smá upprifjun og þú getur athugað hvort uppáhaldið þitt sé á þessum lista:

Þær konur sem að glíma við ófrjósemi munu þurfa að svelta sig undir stjórn fagfólks í 12 vikur vegna rannsóknar á vegum Art Medica.

Er markmiðið með þessu að kanna hvort grennigarmeðferð gagnist feitum konum sem eru á leið í glasafrjógvun.

Eitt af hverjum sex til sjö pörum glímir við ófrjósemi og fimmti hver Íslendingur við offitu og offita hefur áhrif á ófrjósemi.

„Því er hlutfall of feitra enn hærra í hópi ófrjórra og við höfum áhuga á að kanna hvort einhvern veginn sé hægt að hjálpa þessum hópi,“ segir Snorri Einarsson, kvensjúkdómalæknir á Art Medica, með ófrjósemi sem undirsérgrein.

Rannsóknin er hafin í Svíþjóð og Danmörku en fer af stað hér á landi á næstu dögum. Snorri segir meðferðina harða.

„Á tólf vikna tímabili eru konurnar látnar ganga í gegnum það sem er kallað kaloríusnautt mataræði. Þetta er í raun megrunarduft, sem verður til þess að konurnar fara í raun og veru í „stýrt“ svelti. Þær fá öll nauðsynleg næringarefni en fáar kaloríur og grennast því hratt.

Á tólf vikna tímabilinu eiga þessar konur að eiga möguleika á að grennast um tíu til tuttugu kíló og þennan hóp berum við saman við konur sem fara ekki í þessa meðferð heldur gangast bara undir glasafrjóvgunarmeðferðina eins og vaninn er í sínum holdum.“

Yfirleitt er mælt með þyngdartapi yfir lengra tímabil og því liggur beint við að spyrja hvort ekki sé hætta á að líkömum kvennanna sé misboðið.

„Þegar konur sem eiga við ófrjósemi að stríða og glíma sömuleiðis við offitu koma í meðferð hingað á Art Medica, þýðir lítið að segja við þær:  „Grenntu þig og bíddu í tvö ár,“ “segir Snorri.

Þá hafi rannsóknir sýnt að svelti, sem stýrt er af fagmönnum og síðan notað til að koma af stað heilbrigðum matarvenjum, skili svipuðum eða betri árangri en hægfarnari leiðir. „Svo ég er ekki hræddur um að til lengri tíma sé þetta verra en eitthvað annað“.

Rannsókn sem stúlkur í níunda bekk í Danmörku gerðu sýnir að rafbylgjur hafa veruleg áhrif á lífverur.

Börnin ákváðu að ráðast í tilraunina eftir að þau áttuðu sig á því að þau áttu erfitt með að festa svefn þegar þau lögðust til hvílu með farsímann sinn við hliðina á höfðinu. Ef þau náðu að sofna með símann við hliðina á sér áttu þau erfitt með að einbeita sér í skólanum daginn eftir.

Börnin ræktuðu 400 karsafræ í tólf daga. þau skiptu fræjunum síðan í tvo helminga. Annar helmingurinn fór inn í herbergi þar sem voru rafbylgjur eins og farsímar senda frá sér. Hinn helmingurinn var í herbergi sem var án rafbylgja. Svo var beðið í tólf daga og fylgst vel með fræjunum en þau fengu sömu meðhöndlun allan þann tíma.

Niðurstöðurnar urðu sláandi. Í öðru tilfellinu náðu fræin að vaxa og dafna. Í hinu tilfellinu uxu fræin ekki og drápust jafnvel.

Fræin í herberginu þar sem engar rafsegulbylgjur voru.

Fræin í herberginu með rafsegulbylgjunum.

Niðurstöður barnanna hafa vakið athygli víða í Skandínavíu. Þannig hefur til dæmis virtur prófessor við Karólínska stofnunina í Svíþjóð ákveðið að endurtaka tilraunina. Á vef Danmarks Radio kemur fram að engin stúlknanna fimm sem stóðu að rannsókninni sefur nú með GSM símann sér við hlið.

Heimild:
Upprunaleg frétt frá Nyheder

Birt á Visir

Birt með góðfúslegu leyfi heilsufrelsi.is

Prufaðu þessa frábæru blöndu.

Hráefni:

2 sítrónur

Hálf gúrka

12 myntu lauf

Taktu  stóra könnu og fylltu af vatni og skerðu niður sítrónurnar, gúrkuna og rífðu myntulaufin aðeins.

Láttu könnuna inn í ísskáp og þetta þarf að standa yfir nótt.

Það er svo afar gott að byrja daginn á að drekka 2 glös af þessu, talað er um viku en ég drekk þetta sjálf iðulega þegar mig langar í.

Vonandi hjálpar þetta.

Njótið~

Sendið okkur Instagram #heilsutorg

Hugsar þú um það hvað þú gefur barninu þínu að borða? Svarið er líklega já.

Þú telur þig allavega gera það, ekki satt? En erum við í alvöru að hugsa um að börnin fái fæðu úr öllum fæðuflokkum daglega? Og hvað með sykurinn?

Margir foreldrar gera sér enga grein fyrir því sykurmagni sem er í mörgum fæðutegundum sem við gefum börnum okkar, t.d. í morgunkorni og mjólkurvörum. Sumar tegundir af morgunkorni eru það sykraðar að þær eru meira í ætt við sælgæti en hollan morgunverð og sama verður sagt um margar mjólkurvörur.

Veistu að í mjólkurvörum eins og t.d hrísmjólk er allt að 27% kolvetni, í engjaþykkni er það allt að 20% og í þykkmjólk allt að 16%. Í öðrum mjólkurvörum eins og hreinu skyri er ekki nema 3% kolvetni, 3-4% í hreinni súrmjólk og 3-4% í hreinu jógúrti. Það kolvetni sem er umfram í sætu mjólkurvörunum er í flestum tilfellum viðbættur sykur.

Veljum frekar að gefa börnunum okkar hreinar mjólkurvörur en þær sem eru með viðbættum sykri. Venjum þau á það strax að fá hreinar vörur því þá sækja þau ekki í þær sykruðu. Ekki sykra skyrið hjá barninu. Þó svo að þér finnist það ekki gott ósykrað er ekki þar með sagt að barninu þínu finnist það, sérstaklega ef það hefur ekki smakkað sykrað skyr.

Þegar rætt er um sykur er mikilvægt að gleyma ekki muninum á fínunnum sykri og öðrum kolvetnum, sem einnig eru kölluð sykrur. Sykrur eru í fjölda matvæla svo sem kartöflum, grjónum, núðlum, brauði, grænmeti og ávöxtum og er þar um að ræða holla og nauðsynlega orkugjafa. Öðru máli gegnir um fínunninn sykur, sem finna má í gosi, sætum ávaxtasöfum, sælgæti, kökum, kexi, mjólkurvörum og morgunkorni. Neysla á fínunnum sykri, sem bætt er í drykki og matvæli er allt of mikil hér á landi.

Kolvetnaneysla barna og unglinga einkennist af mikilli sykurneyslu, 15% orkunnar í fæði þeirra fást úr fínunnum sykri en meðal fullorðinna er hlutur sykurs mun minni eða 8% orku.

Samkvæmt ráðleggingum Manneldisráðs er ekki æskilegt að fá meira en 10% orkunnar úr sykri. Helstu rök gegn óhóflegri sykurneyslu eru þau að verði sykurinn mjög fyrirferðamikill í daglegu fæði er hætt við að minna verði um nauðsynleg næringarefni. Sykur, sætindi og svaladrykkir koma þá í stað annarra næringarríkra matvæla en viðbættur sykur veitir það sem oft er kallað tómar hitaeiningar.

Við þurfum að huga betur að því hvað börnin okkar eru að borða. Mjög mörg börn eru farin að borða sælgæti fyrir eins árs aldur. Til hvers? Hvers vegna erum við að bjóða þeim sælgæti og hver er ávinningurinn fyrir þau? Jú þeim finnst þetta líklega gott og við viljum vera góð við þau, ekki satt. En það eru til hollari leiðir til að vera góð við börnin okkar. Ef þau kynnast ekki sælgæti, þá eru þau ekkert sólgin í það.

Börn læra hvað fyrir þeim er haft. Við erum fyrirmyndirnar. Ef við borðum sælgæti fyrir framan þau sjá þau að það er í lagi að borða nammi. Ef við viljum fá okkur sætindi, nýtum þá frekar nammidagana.

Foreldrar og börn þurfa að læra að setja saman hollt fæði, gæta hófsemi og auka fjölbreytni fæðisins. Sætt bragð þykir flestum gott og ekki má gleyma að það er félagsleg athöfn að borða. Sykur er munaður og ber að meðhöndla hann sem slíkan. Ef maturinn er hollur og næringarríkur að öðru leyti er sykur í hófi sæt tilbreyting.

Höf:

Alma María Rögnvaldsdóttir

Hjúkrunarfræðingur

heimild: islenskt.is

Læknar og vísindamenn um heim allan hafa varað við óþarfa örbylgjugeislun gagnvart börnum frá þráðlausum nettenginum og mælt með að tölvur séu tengdar með kapli frekar en að hafa þær tengdar þráðlaust, hvort sem um er að ræða heima eða í skólum.  Tölvur eru nauðsynlegar í skólum en þær þarf að tengja á öruggan máta.

HÉR er hægt að horfa á myndband um viðfangsefnið.

Og hér fyrir neðan er samantekt yfir skóla víðsvegar um heim sem hafa ákveðið að taka niður þráðlausar nettengingar.  Þessi samantekt er eingöngu ætluð til að gefa innsýn í umræðuna annarsstaðar í heiminum og tekið skal fram að þessi upptalning er engan veginn tæmandi.

Kanada
Árið 2011 var þráðlaus nettenging fjarlægð úr “Aurora School” í Ontario og fasttengt netkerfi sett í staðin.
Árið 2011 var þráðlaus nettenging fjarlægð úr “North Cariboo Christian School” í Quesnel, B.C. og fasttengt netkerfi sett í staðin.
Árið 2011 var þráðlaus nettenging fjarlægð úr “Saanich School District” á Victoria Island. Í staðin samþykkti Breska Kólombía notkun nýs tæknistaðals þar sem m.a. kemur fram að:
a. Bannað er að nota þráðlausa nettengingu í grunnskólum.
b. Á mið- og unglingastigi er þráðlaus nettengin leyfð undir eftirliti á stöðum þar sem vinnustofa fullorðna er, þ.m.t. rými starfsmanna og á skrifstofum þar sem nauðsyn krefur.
c. Á mið- og unglingastigi er leyfileg þráðlaus nettenging í 25% rými nemenda.
Árið 2007 laggði Therold, Ontario niður áætlanir sínar um að netvæða borgina þráðlausu neti.
Árið 2008 var þráðlaus nettenging bönnað á heimavist “Lakehead University” í Ontario.
Árið 2010 var slökkt á þráðlausri nettengingu í barnaskólanum “Meaford, Ontario St. Vincent Euphrasia” að frumkvæði foreldra.
Árið 2010 var þráðlaus nettenging fjarlægð úr “Surrey, BC Roots and Wings Montessori Place”. HÉR er hægt að nálgast bréf sem skólastjórinn Kristin Cassie skrifaði varðandi málefnið. http://www.stayonthetruth.com/wifi-removed-at-surrey-bc-school-2010.php

Austurríki
Árið 2005 var þráðlaut net bannað í skólum og hjúkrunarheimilum í Salzburg.

Þýskaland
Árið 2006 var þráðlaust net bannað í almenningsskólum í Frankfurt.
Árið 2007 gaf þýska ríkisstjórnin út eftirfarandi þjóðarviðvörun:
“Varist örbylgjugeislun frá þráðlausum nettengdum kerfum á kaffihúsum, skólum, heimilum og öðrum opinberum stöðum.”
Árið 2007 var mælt með því að þráðlaus nettenging væri ekki notuð í skólum í Bavaria.
Árið 2010 ákvað þingið í Hesse eftirfarandi:
“Til að forðast rafmengun ætti að leitast við að hafa fasttengt net á sem flestum stöðum. Skólar eru hvattir til að hefja undirbúningsvinnu.”

England
Árið 2006 var þráðlaus nettenging fjarlægð af heimavist í Prebandal Preparatory School í Chichester.
Árið 2006 var þráðlaus nettenging fjarlægð af heimavist í Stowe School í Buckinghamshire.
Árið 2006 var þráðlaus nettenging fjarlægð af heimavist í Ysgol Pantycelyn School í  Carmarthenshirem, Wales.
Árið 2007 var kallað eftir því að banna þráðlaust net í skólum  “Voice”
Árið 2008 gaf DfES UK það út að allir skóla sýndu ábyrgð varðandi þráðlaust net í skólum sínum.

Írland
Árið 2008 var þráðlaus nettenging fjarlægð frá Ballinderry Primary School.
Evrópuþingið
Árið 2008 samþykkti Evrópuþingið með 522 atkvæðum á móti 16 atkvæðum að hvetja ráðherra innan Evrópu að koma á strangari reglum varðandi örbylgjugeislun.

Frakkland
Árin 2008-2010 voru fjarlægð þráðlaus netkerfi úr landsbókasafni Frakklands auk fjögurra annarra opinberra bókasafna.
Árið 2008 var þráðlaus nettenging fjarlægð úr Sainte-Geneviève University í París.
Árið 2009 var þráðlaus nettenging bönnuð í opinberum skólum í Hérouville Saint-Clair.

Bandaríkin
Áríð 2008 mælti USA Progressive Librarians Guild með því að engin þráðlaus netkerfi væru notuð í bókasöfnum og skólum.

Sviss
Árið 2010 bauð Svissneska ríkisstjórnin og Swisscom, sem er stærsta símadreifikerfið þar í landi, skólum að skipta út þráðlausum netkerfum fyrir fasttengt ljósleiðara netkerfi sér að kostnaðarlausu. HÉR er hægt að lesa nánar um það.

Nýja Sjáland
Árið 2010 var ákvörðun tekin um að færa ábyrgð á þráðlausu neti yfir til skólastjórnenda.

Ísrael
HÉR er hægt að lesa um skýrslu um afstöðu Ísraels til rafmengunnar í skólum.

Heimild:
Samantektin er þýdd frá Safeschool

Birt með góðfúslegu leyfi heilsufrelsi.is

Talað hefur verið um að við Íslendingar séum töluvert stressuð þjóð og því tilvalið að kíkja á hvað mætti betur fara í okkar lífi og þar á meðal í fæðunni. Hér á eftir fer listi um fæðutegundir sem geta dregið úr streitumyndun.

Appelsínur

Þýsk rannsókn sýndi fram á það að C-vítamín hjálpar til við að draga úr streitu og hjálpar til við að ná jafnvægi á  blóðþrýsting og hormónið cortisol (streituhormón). C-vítamín er einnig þekkt fyir að bæta ónæmiskerfið.

Sætar kartöflur

Sætar kartöflur geta hjálpað við að draga úr stressi með því að koma til móts við kolvetna-þörf sem margir finna þegar streitan er að angra fólk. Þær eru pakkfullar af beta-karoteini og öðrum vítamínum. Trefjarnar í þeim hjálpa svo líkamanum að melta kolvetnin hægt og rólega.

Þurrkaðar apríkósur

Apríkósur eru ríkar af magnesium, sem er þekkt fyrir að draga úr streitu ásamt því að vera vöðvaslakandi.

Möndlur, pistasíur og valhnetur

Möndlur eru ríkar af B og E vitamin sem bætir ónæmiskerfið, valhnetur og pistasíuhnetur hjálpa til við að lækka blóðþrýsting.

Kalkúnn

Kalkúnninn inniheldur amínósýru sem heitir L-tryptophan. Þessi amínósýra hefur áhrif á losun serotonin, sem er “gleðiefnið” sem heilinn okkar framleiðir. Þetta er ástæðan fyrir því að margir sem borða kalkún finna slökun og jafnvel þreytu eftir að hafa neytt hans. L-Tryptophan hefur þekkt slakandi áhrif.

Spínat

Magnesíum skortur getur orsakað mígreni og þreytu. Einn bolli af spínati inniheldur 40% af ráðlögðum dagskammti af magnesium.

Lax

Matur sem inniheldur hátt hlutfall af omega-3 verndar okkur gegn hjartasjúkdómum. Rannsóknir hafa sýnt að omega-3 kemur í veg fyrir að streituhormónið cortisol og adrenalin líkamans nái að hækka ótæpilega.

Avocado

Holla fitan og kalíumið sem avocado inniheldur hjálpar við að lækka blóðþrýsting en mælt hefur verið með að neyta sem mest af kalíum til að sporna við hækkun blóðþrýstingsins.

Grænt grænmeti

Brokkolí, kál og annað dökk-grænt grænmeti innihalda ógrynni af vítamínum sem hjálpa líkamanum að vinna á streitu.

Allt sem við innbyrðum hefur áhrif á líkama okkar og því er um að gera að vanda valið!

Svefnlaus? Vantar þig smá aðstoð og góð ráð ? leitaðu ekki lengra því hér eru nokkur afar snjöll og einföld ráð til að ná sem bestum nætursvefni eins og mögulegt er.

Slepptu stjórninni

Af öllum þeim hlutum sem þú ræður yfir að þá er svefn ekki einn af þeim. Það gagnar ekkert að óska, vonast eða ég verð að sofna, það virkar bara ekki. Um leið og þú meðtekur að svefninn er eitthvað sem þú hefur ekki alla stjórn á þá hættir þú að hafa áhyggjur af svefninum. Þetta er svona svipað og umferðin á morgnana, þú getur látið hana fara í taugarnar á þér allan daginn eða hugsað sem svo, þetta er bara hluti af lífinu. Sumir dagar eru betri en aðrir.

Fastur tími til að fara í rúmið

Þú stillir vekjaraklukkuna til að vakna á morgnana en stundvísi við að fara í rúmið á kvöldin er alveg jafn mikilvæg. Þó þú þurfir ekki að stilla klukku sem rekur þig í rúmið að þá ættir þú að setja þér tíma og fara eftir honum á hverju kvöldi. Líkaminn þarf fasta rútínu.

Farðu í heitt bað

Óli lokbrá kemur þegar líkamshitinn lækkar. Nýtt þér þetta með því að fara í heitt bað fyrir svefninn (má líka vera heit sturta) skríddu svo uppí strax eftir baðið, leggstu niður og leyfðu líkamshitanum að lækka sig og á þig sækir syfja.

Nú er það svart

Jafnvel örlítil birta getur truflað þegar verið er að reyna að sofna. Þetta þýðir að ekkert sjónvarp, tölvur eða ljós á ganginum ætti að vera á. Slökktu á öllu og vittu til, þú finnur svefninn sækja á þig.

Þögn

Að setja Ipodinn á shuffle er alls ekki leiðin til að komast hjá því að hlusta á makann hrjóta. Í staðinn fyrir shufflið, prufaðu hljóðvél, þessar sem gefa frá sér frumskógarhljóð eða sjávarnið. Þetta róar þig niður og drekkir út hrjót og umhverfishljóð sem geta verið truflandi.

Að vera kúl

Kuldi er besti vinur svefnsins. Lækkaðu hitann í herberginu þínu og notaðu sængur til að halda á þér hita. Kalt svefnherbergi þýðir að líkaminn starfar á rólegu og þæginlegu nótunum.

Fullur magi

Að troða í sig áður en farið era ð sofa er alveg bannað. Það skapar meltingatruflanir og stöðugar klósettferðir. Léttur kvöldverður um tveimur tímum fyrir svefn getur hjálpað þér að sofa betur.

Sígó og kók

Það er svo sem í lagi einstöku sinnum en aðgeraþað að vana að fá sér vínglas og sígarettu á hverju kvöldi er eitthvað sem er ekki mælt með. Áfengi, gosdrykkir og sígarettur eru örvandi og munu halda fyrir þér vöku langt fram á nótt. Einnig, þá er áfengissvefn afar truflandi og þú vaknar þreytt.

Koddar

Líkja má koddanum við íþróttahaldara. Hann er mikilvægasta tækið til þess að þú náir nú góðum zzzzZZ. Koddar þurfa að vera góðir, veita stuðning og mundu,  ekki hafa of hátt undir höfðinu.

Gæludýrin

Miðnætur brölt á ketti, hundi að dreyma ævintýri… ég get haldið áfram að telja upp …. Eins og við elskum þau mikið að þá eiga þau að sofa í sínum eigin bælum.

Drepum verki

Ef þú ert með smá verk sem er að halda fyrir þér vöku taktu þá verkjatöflu eða leitaðu læknis til að komast að því hvers vegna þér verkjar.

Kaffi kaffi koffein

Það er í lagi að drekka kaffi á morgnana en það á að vera regla að drykkir sem innihalda koffein eiga ekki að fara inn fyrir varirnar seinnipart dags.

Andaðu

Hættu að hugsa um þvott sem á eftir að brjóta saman eða listann yfir það sem þú þarft aðgeraá morgun. Einbeittu þér að því að anda. Andaðu djúpt inn um nefið og blástu svo út um munninn. Tæmdu hugann, gerðu þetta nokkrum sinnum og áður en þú veist af….. ertu sofnuð.

Ekkert nema rólegheit

Þegar svefnleysi læðist aftan að þér, ekki fríka út. Taktu því bara rólega. Ok, svefnlaus nótt…það gerist. Slakaðu bara á, liggðu á bakinu og lokaðu augunum og hvíldu þig ef þú ert ekki að ná að festa svefn.

Ekki svindla

Það er ekkert til sem heitir AÐ BÆTA UPP FYRIR TAPAÐAN SVEFN. Þú þarft bara að halda þig við þína rútínu. Að leggja sig eða fara voða snemma að sofa eða sofa of lengi á morgnana bætir ekki upp fyrir svefnlausa nótt. Heldur ertu að rugla líkamann í ríminu. Haltu reglunni og þetta á ekki að vera neitt mál.

Heimildir: womenshealthmag.com

5 leiðir til að nota epsomsalt

Epsom salt er mjög ríkt af magnesíum sem er talið vera eitt mikilvægasta snefilefnið sem frumur líkamans þurfa nauðsynlega á að halda til að starfa eðlilega. Í Epsom-salti er líka að finna um 300 ensím sem eru afar mikilvæg líkamsstarfseminni og hafa t.d. um það að segja hvort vöðvar líkamans virka vel eða illa eða hvort líkamsorkan er öflug eða léleg. Auk þess hefur saltið mýkjandi áhrif á húðina og getur dregið úr gigtarverkjum og kalkmyndun í liðum.

1. Í baðvatnið
Gott er að þurrbursta húðina áður ern farið er í bað með Epsom salti. Tveir bollar af saltinu er mátulegt ofan í sem heitast baðvatnið.  Ráðlagt er að liggja í bleyti í a.m.k. 20 mínútur svo að upptakan í gegnum húðina á magnesíum og öðrum efnum úr saltinu verði sem áhrifaríkust. Þetta er talið styrkja líkamsstarfsemina og mýkja húðina eins og áður sagði.

2. Gegn flensu

Ef um flensu er að ræða er gott að fara í heitt bað og setja 2 bolla af Epsom salti ofan í, einn bolla af matarsóda, teskeið af smátt saxaðri engiferrót, nokkra dropa af eucalyptus eða myntu ilmkjarnaolíu sem báðar eru bakteríudrepandi og hreinsandi fyrir öndunarfærin. Fyrir utan að styrkja líkamsstarfsemina og mýkja húðina hefur þessi blanda hreinsandi áhrif og er því góð gegn flensuáhrifum. Sem fyrr er mikilvægt að liggja í baðvatninu í a.m.k. 20 mín.

3. Í hreinsikremið

Það er vel þess virði að setja eina teskeið af epsomsalti út í hreinsikremið og nudda vel inn í húðina. Bæði hreinsar það í burtu óhreinindi og gefur húðinni aukinn ljóma. Andlitið er svo skolað með köldu vatni á eftir.

4. Skrúbbur
Innihald: 1 dl Epsom-salt, ½ dl ólífuolía og 2 tsk. ilmkjarnaolía t.d. sítrónu. 
Öllu hrært vel saman og húðin skrúbbuð frá toppi til táar. Góð hugmynd er að fara í heitt bað á eftir til að láta efnin ganga enn betur inn í húðina. Húðin verður silkimjúk eins og á ungabarni eftir þessa meðhöndlun.
5. Í fóta- eða handabaðið 
Sérstaklega gott fyrir þá sem eru gigtveikir eða þjást af bólgum í líkamanum. Talað er um 1-2 msk af salti á móti 1 lítra af volgu vatni. Látið hendur eða fætur liggja í bleyti í allaveganna 15 mín áður en skolað er.  Þeir sem eru með sár geta borið júgursmyrsl á þau svo þá svíði ekki undan saltinu.

Sítrónur eru til margs nýtar. Auk þess að vera góðar í t.d. matargerð er hægt að nýta þær í margs konar “fegrunarráð“. Hér eru nokkur ráð til að nota þennan gula, góða ávöxt:

Rakakrem: Blandaðu saman nokkrum dropum af kókosvatni og nokkrum dropum af sítrónusafa. Kókosvatnið gefur húðinni raka og sítrónan hreinsar og gefur húðinni jafnara yfirbragð.

Lýsandi fyrir olnboga og hné: Stundum vill það vera svo að húðin á olnbogum og á hnjám er ögn dekkri en húðin í kring og þá er gott að skera sítrónu í tvennt og nudda þessi húðsvæði.

Gegn fílapenslum: Þetta gæti hljómað of gott til að vera satt en vegna þess að sítrónur eru bakteríudrepandi, geta þær hjálpað til við að vinna gegn bólum og fílapennslum. Einfaldlega skerið sítrónu í sneiðar, kreistið safann úr og berið á andlitið. Áður en þú veist af eiga fílapennslarnir að fara að minnka.

Hreinsiklútar: Blandaðu saman nokkrum dropum af sítrónusafa og Tea-Tree ilmolíu í u.þ.b. 180 ml af vatni. Hægt er að nota þessa blöndu sem andlitsvatn en einnig sem hreinsi fyrir andlitið og er blandan þá sett í bómull og strokið yfir húðina.

Tannhvíttun: Blandaðu saman matarsóda og sítrónusafa og berðu á tennurnar með hreinum eyrnapinna. Notaðu svo tannburstann þinn til að skrúbba tennurnar og hreinsa þær. Þetta er mun ódýrara en að fara til tannlæknis í tannhvíttun.

Munnangur: Hægt er að nota nokkra dropa af sítrónu ilmolíu á munnangur til að hjálpa gróandanum.

“Lýsandi” fyrir húðina: Sítrónur eru ríkar af C-vítamíni og sítrussýru sem virka lýsandi og jafna húðlit þegar notaðar í einhvern tíma. C-vítamín er mjög andoxandi og vinnur á móti stakeindum (sem er efnið sem brýtur niður kollagen húðarinnar og veldur þannig öldrun) og einnig ýtir það undir kollagenmyndun húðarinnar samkvæmt Marina Peredo M.D. húðlækni. Þetta þýðir að sítrónan getur minnkað litinn í öldrunarblettum og dökkum blettum en einnig er hægt að nota hana ef brúnkukremið hefur verið til vandræða. MIKILVÆGT er að nota sólarvörn (a.m.k. spf 15) ef þú notar sítrónu á húðina því hún verður viðkvæmari fyrir sólargeislunum og er hætt við að brenna illa.

Gegn húðfituglans: Sítróna er einstaklega góð til að minnka húðfituframleiðslu í andliti.

Djúphreinsir fyrir varirnar: Settu smá sítrónusafa á varirnar fyrir svefninn og hreinsaðu hann svo af um morguninn. Þetta hjálpar til við að fjarlægja dauða og þurra húð af vörunum. Samkvæmt húðlækninum Gary Goldfaden M.D.  gefur það augaleið að ekki skal prufa þetta ef þú ert með mikið sprungnar og viðkvæmar varir.

Naglaherðir: Blandaðu saman góðri olíu (t.d. Ólífu olíu) með sítrónusafa og láttu neglurnar liggja í leginum í smá stund. Þetta er einstaklega gott fyrir þunnar og þurrar neglur en einnig fyrir neglur sem hafa gulnað.

Til að lýsa hár: Hægt er að nota sítrónu safa til að lýsa hárið. Berðu safann í hárið áður en farið er út í sólina og þá nærðu að lýsa hárið aðeins. Sítrónusafinn getur einnig hjálpað gegn þurrum hársverði og flösu með því að bera ríkulega af safanum í hársvörðinn.

Ert þú sek um eitthvað af neðangreindu? Við teljum okkur flestar með góðar venjur hvað varðar húðumhirðu, en stundum bara gleymir maður sér eða er of þreyttur eða upptekinn eða ekki meðvitaður um mistökin og furðar sig svo á slæmu ástandi húðarinnar. Rennum aðeins yfir þetta.

1. Skrúbbun

Allt í góðu að skrúbba MJÚKLEGA yfir andlit og líkama. En að nudda og skrúbba fast er alls ekki í lagi. Það getur þurrkað upp náttúrulegar olíur húðarinnar og í raun valdið því að hún verður verri, bólótt, þurr og flekkótt. Farðu varlega og þá verður þetta allt í lagi.

2. Að hreinsa ekki bursta og vörur

Hugsaðu um allt sem snertir á þér andlitið. Sólgleraugu, koddaver, síminn og förðunarburstar. Andlitið á okkur snertir svo margt sem við kannski pössum ekki upp á að þrífa reglulega og erum því að bera bakteríur, skít og olíur í andlitið á okkur .

3. Að fara ekki í sturtu eftir ræktina

Það er stundum freistandi að fresta sturtunni eftir ræktina, t.d. bara þangað til maður kemur heim. Þetta geta verið mistök. Húðin er sveitt og opin og því er best að drífa sig úr sveitta gallanum og skoppa í sturtu.

4. Að sofa ekki nóg

Hljómar kannski undarlega að svefnleysi geti haft áhrif á húðina, en langvarandi svefleysi getur ýtt undir framleiðslu á stress-hormóninu cortisol, sem getur valdið bólum og flekkum. Farðu snemma í háttinn (mundu eftir að skipta um koddaver reglulega!) og húðin mun þakka þér.

5. Hendur og hár eru framan í þér

Við vitum að það er slæmt að fikta endalaust í andlitinu á okkur en samt gerum við það oft óafvitandi! Bara að hvíla andlitið í lófanum gæti verið saklaust en um leið erum við að klína olíu og skít (t.d. af lyklaborði!) framan í okkur. Hárvörur sem við notum geta líka stíflað svitaholur og því best að reyna að halda hárinu frá andlitinu sem mest við megum.

6. Óþolinmæði gagnvart nýjum vörum

Við erum oft spennt að prófa nýjar húðvörur og væntum tafarlausra breytinga. Ef við sjáum ekki breytingu STRAX erum við oft sek um að gefast upp (hið sama á reyndar við um lífstílsbreytingar eins og þær leggja sig, en það er önnur saga!). Gefðu þessu 4-6 vikur og þá skaltu vænta árangurs.

Ef barnið þitt sýgur á sér þumalinn hefurður örugglega fengið athugasemdir frá öðrum um að ef barnið þitt haldi áfram að gera þetta muni það skemma tennur þess. Allt að 46% barna sjúga á sér þumalinn samkvæmt viðamikilli rannsókn, þannig að ef þitt barn gerir þetta þá geturðu huggað þig við að þú ert ekki eina foreldrið sem ert að glíma við að fá barnið til að hætta þessu.

„Já þetta skemmir tennur barnanna,“ segir David Zirlin, barnatannlæknir. „Bæði það að sjúga snuð og að sjúga þumalinn getur valdið því að barnið fær skakkt bit. Algengasta vandamálið þegar kemur að tönnum er að framtennurnar uppi færast fram og upp sem veldur því að manneskjan er með yfirbit.“

Að sjúga þumalfingurinn getur líka valdið því að tanngarðurinn skekkist og barnið fær skakkar tennur segir barnatannlæknirinn.

David bætir því þó við að þessar afleiðingar séu í flestum tilfellum ekki varanlegar en auðvitað skipti máli hversu lengi, hversu mikið og hversu lengi í einu, barnið sýgur á sér þumalinn. Hann segir að þetta fari að hafa skaðleg áhrif á tennurnar eftir um það bil 24 mánuði og að 48 mánuðum liðnum sé þetta orðið mun verra.

„Flestar afleiðingar þess að sjúga á sér þumalinn ganga til baka og ólíklegt er að skaðinn verði mikill ef barnið hættir þessu áður en fullorðinstennurnar koma upp,“ segir David.

Þess má geta að í rannsókn sem gerð var í Englandi. kom í ljós að um 12% fullorðinna sjúgi enn á sér þumalinn.

Heimildir: The Stir

Fólk getur átt það til að láta ýmislegt flakka og oft getur það verið frekar óviðeigandi. Það gefur auga leið að við getum ekki vitað um allt sem aðrir hafa gengið í gegnum og þar af leiðandi gerum við okkur ekki alltaf grein fyrir hvar viðkvæmu blettir fólks eru.

Nokkur atriði virðast oft vera verri en önnur og má þar nefna sem dæmi holdarfar fólks (eins og t.d. þegar konum er óskað til hamingju  með bumbubúann þegar það kannsi er alls enginn búi í bumbunni!), barneignir (jæja.. hvenær á svo að koma með annað?) og áfengisdrykkja (ætlarðu ekki að fá þér í glas? Ertu kannski ólétt eða…?). Alveg er ég viss um að flest okkar höfum við gerst sek um einhverskonar óviðeigandi athugasemdir.

Hér eru nokkur dæmi sem tekin voru saman af ungri konu sem kýs að neyta ekki áfengis. um það sem ekki skal segja við fólk sem kýs að drekka ekki áfengi:

1. Þú ert svo upptrekkt:  Ég vil kannski vera vel við stjórn en það þarf ekki að þýða að ég kunni ekki að skemmta mér eða slaka á.

2. Æ kommon, lifðu nú aðeins: Alkóhól er engin nauðsyn til að hafa gaman af lífinu.

3. Það eina sem ég vil er að sjá þig drukkna/drukkinn:  Því miður en þá er það ekki að fara að gerast og ef það að sjá mig drukkna er það eina sem þú vilt fá út lífinu í kvöld, er kominn tími til að setja markið hærra.

4. Mér mun takast að fylla þig: Nei, það mun ekki takast alveg eins og ég ætla mér ekki að reyna að fá þig ofan af því að fá þér í glas. Fólk tekur sínar ákvarðanir sjálft og það að reyna að fá mig til að skipta um skoðun varðandi ákvörðun mína um að neyta ekki áfengis mun ekki bera árangur.

5. Er það út af trúarlegum skoðunum?: Hvort sem það er vegna þess eða ekki, á það að ég skuli neita áfengi, ekki að réttlæta yfirheyrslutaktík um lífstíl minn.

6. Hvernig ferðu að þessu svona edrú?: Er það í alvöru athugavert að vera að tala við fólk í partý þegar maður er edrú?

7. Þér hlýtur að finnast ég vera algjört klúður:  Nei, alls ekki. Þó svo þú drekkir en ekki ég finnst mér ekkert að þér.

8. Ertu ekkert forvitin?: Nei, ef ég væri það fengi ég mér einfaldlega drykk.

9. Ég ætla að bjóða þér drykk: Takk, en sparaðu bara peninginn því ég mun ekki drekka hann.

10. Heldur þú að þú sért eitthvað betri en við?: Alkahól er drykkur, ekki mælikvarði á hversu hátt (eða lágt) settur  þú ert í samfélaginu. Svo nei, ég bara vil ekki drykk.

11. Þér hlýtur að finnast leiðinlegt að vera þar sem drukkið fólk er: Ef mér finnst leiðinlegt einhvers staðar, þá bara fer ég.

12. Hvað gerirðu þá ef þú ert ekki að drekka?: Það sama og þú nema bara ekki með alkóhól í hönd. Fer á bari, skemtistaði, partí og fleira. Það er vel hægt að skemmta sér og drekka vatn.

13. Finnst þér þú ekki vera að missa af einhverju? Ef mér þætti það, þá bara fengi ég mér drykk. Plús það að sögur af þynnku láta mér líða mjög vel með það að drekka ekki.

14. Hvað ertu gömul? Ertu orðin nógu gömul til að drekka?: Já, reyndar er ég nógu gömul en takk fyrir hrósið.

15. Við hvað ertu hrædd?: Ekkert, ég hreinlega hef bara ekki áhuga.

16. Æ, við buðum þér ekki því þú drekkur ekki og við héldum að þér myndi bara leiðast: Ef ég hefði áhyggjur af því að mér mundi leiðast mundi ég bara ekki koma en það er sárt að vera ekki boðið.

17. Það að þú ert ekki að drekka, gerir það erfiðara fyrir mig að ná til þín: Reyndu bara að kynnast mér og þá muntu örugglega ná til mín að einhverju leyti.

18. Þú hlýtur að hafa miklar sögur af okkur þegar þú horfir á okkur svona edrú: Auðvitað, það skemmtilegasta sem ég geri er að safna sögum og það er eina ástæðan fyrir að ég drekk ekki! Reyndar er ég ekki að dæma neinn, hættið að dæma mig.

19. Þér hlýtur að vera svo illa við þetta: Bara vegna þess að ég kýs að drekka ekki, er ekki þar með sagt að ég sé alfarið á móti alkóhóli, það er bara ekki fyrir mig.

20. Ég drekk vanalega ekki svona mikið, í alvörunni:  Þú þarft ekki að réttlæta né verja þína drykkju fyrir mér.

21. Í alvöru, af hverju ekki? Gerðu það!: Þú getur haldið áfram að biðja mig en svarið verður áfram nei. Ég mun bara verða pirraðari við hverja spurning.

22. Ekki vera svona glötuð: Ó nei, hættan á að vera ekki nógu svöl! Hlusta ekki á þetta!

Virðum hvort annað nógu mikið til að taka tillit til þess sem við ákveðum. Allir hafa sínar ástæður og munum að aðgát skal höfð í nærveru sálar!

La Boqueria risastóri matarmarkaðurinn á Römblunni í Barcelona má hreinlega enginn láta framhjá sér fara heimsæki hann á annað borð borgina, slík er upplifunin. Dáldið eins og að ganga inn í paradís þar sem litadýrðin er allsráðandi og ilmurinn ómótstæðilega lokkandi. Ógrynnin öll af ferskmeti eru á boðstólnum, heilu staflarnir af ávöxtum og grænmeti, hreinir ávaxtasafar í massavís, meira að segja heilir skrokkar af svínum og kjúklingum hangandi eða liggjandi með brostin augu. Augu krabbagreyjanna voru aftur á móti ennþá tifandi að ógleymdum Spánverjunum sem kölluðu af eldmóð nýjustu tilboðin hver í kapp við annan.

Í eldhúsinu er ekki bara hráefni að finna til matargerðar heldur er, ef vel er að gáð, gnægð hráefna sem nota má útvortis. Salatblöð og sítrónur, hunang og jafnvel skyr. Öll þessi hráefni geta hæglega nýst til þess að fríska upp á þreytt og lúið hörund, Hér fara nokkur indæl ráð til að vinna mót elli kerlingu með náttúrulegum leiðum – allt með hráefnum sem finna má í eldhúsinu.

SALATMASKI

Dýfið stórum, vel þvegnum salatblöðum í kaldpressaða ólífuolíu, látið olíuna drjúpa vel af þeim og kreistið ögn af sítrónusafa á þau. Leggið blöðin á andlitið. Þrýstið þeim þétt að hörundinu og leggið raka grisju yfir. Fjarlægið maskann eftir 25 mínútur.

Áhrif: Salatmaskinn er mjög frískandi og róandi. Á vel við allar húðtegundir.

SÆNSKUR FEGRUNARMASKI

3 matskeiðar af hreinu skyri eru hrærðar út með rjóma og 1 matskeið af hunangi bætt út í hræruna. Úr þessu verður þykkt krem sem borið er á andlit og háls. Hunangið er ekki hitað upp fyrir noktun.

Áhrif: Hreinsar og sléttir húðina. Á vel við allar húðtegundir.

HVEITIMASKI

Svolítið óbleikjað hveiti er hræt út með volgri mjólk og volgu hunangi þannig að úr verði þykkur grautur. Í staðinn fyrir mjólk er einnig hægt að nota volgt jurtaseyði úr kamillu- eða lindiblómum en þá er hunanginu ofaukið. Síðan er þykkt lag af volgum grautnum borið á andlitið og þvegið af með volgri mjólk eðaa jurtavatni eftir 15 mínútur.

Áhrif: Hreinsar og sléttir húðina. Maskinn er mjög góður fyrir blandaða húð.

SÍTRÓNU – HREINSIMASKI

Sítróna, sem ekki hefur verið úðuð, er skorin í tvo helminga og innihaldið fjarlægt úr öðrum helmingnum. Í auðu hvilftirnar er síðan látin ein eggjarauða og þetta látið standa i nokkrar klukkustundir. Eggjarauðan sígur í sig eterískar olíur úr sítrónuberkinum. Áður en maskinn er borinn á hörundið er nokkrum sítrónudropum bætt í hann. Eftir að maskinn hefur verkað á húðina í 20 mínútur er hann þveginn af, fyrst með vel volgu, síðan með köldu vatni.

Áhrif: Hefur herpandi áhrif, hreinsar og sléttir húðina.

AVOCADOMASKI

Fullþroska, mjúkur avocadoóávöxtur er skorinn í tvennt og úr aldinkjöti annars helmingsins og hálfri eggjarauðu er hrært mjúkt deig, sem hægt er að smyrja með. Bætið nokkrum sítrónudropum út í hræruna. Berið maskann á andlit og háls, látið hann liggja í 20 mínútur á hörundinu og þvoið hann af með vel volgu atni.

Áhrif: Nærir og lífgar þurra og viðkvæma húð.

STEINSELJU- OG SKYRMASKI 

Fersk steinselja er brytjuð smátt niður og einum hnefa af henni hrært saman við tvær til þrjár matskeiðar af hreinu skyri. Grauturinn er síðan borinn á andlitið og þveginn af með volgu vatni eftir 30 mínútur. Til þess að varna því að grauturinn renni niður af andlitinu, er fíngerð grisja lögð yfir maskann.

Áhrif: Frískandi og róandi. Hefur góð áhrif á ofnæmisgjarna og þreytta húð sem oft einkennir íbúa stórborga.

Mikið hefur verið rætt og ritað um kolvetni eða öllu heldur kolvetnasnautt mataræði síðustu vikur. Sitt sýnist hverjum en með pistli dr. Önnu Sigríðar fengu lesendur tækifæri til að senda inn spurningar sem dr. Anna Sigríður svaraði. Áhugaverður pistill og góð lesning.

Kolvetni og afköst – engin klisja!

Þessu tvennu ætti ekki að rugla saman þótt vissulega geti holdfar haft talvert að segja um heilsufar einstaklinga – sem þó er heldur alls ekki algilt eins og hefur áður komið fram.

Innleggið í dag snýst þó ekki um holdafar og heilsu heldur fyrst og fremst gildi kolvetna fyrir íþróttafólk og almenning sem stundar markvissa og reglulega þjálfun, enda má lesa um aðra þætti í ágætum pistlum margra kollega minna í stétt næringarfræðinga.

Árangur = vel samsett fæði.

Til að ná árangri í íþróttum er æskilegt að borða vel samsett fæði sem veitir öll orkuefnin; prótein, fitu og kolvetni. Vöðvar vinna úr blöndu orkuefnanna en ekki hreinum bruna eins orkuefnis en vægi þeirra er mismikið eftir mataræði, álagi (ákefð og tíma) og líkamsástandi. Hlutfallslega eykst vægi kolvetna við aukna ákefð en heildarmagnið sem við þurfum á dag er fyrst og fremst háð líkamsþyngd. Það er stærsti vandinn við almennar ráðleggingar að þar er gengið út frá hlutföllum orkuefna, en þau geta verið verulega skekkt þegar breytileikinn í orkuþörf er orðinn jafn mikill og raun ber vitni milli ólíkra íþróttagreina og mikla þjálfun.

Rannsóknir benda til að við stífa þjálfun þar sem verulega er gengið á kolvetnaforða líkamans þurfi að innbyrða 7-10 grömm af kolvetnum fyrir hvert gramm líkamsþyngdar á dag til að viðhalda kolvetnaforðanum, en það er lykilatriði til að líkaminn sé tilbúinn undir átök dag eftir dag í fleiri daga. Ef ekki er fyllt á forðann sígur hægt og rólega undan og afkastagetan verður smám saman minni. Þess ber þó að geta að líkaminn er ólíkindatól og getur vanið sig á flest og þannig má komast af með nokkuð lágt magn kolvetna og venjast því að stunda íþróttir á „tómum tanki“ án þess að það skerði frammistöðu verulega en það er samt talsvert breytilegt eftir íþróttagreinum og þreyta gerir vart við sig að lokum, sérstaklega ef krafist er snerpu og hraða.

Hjá þeim sem stunda þjálfun sem ekki tæmir kolvetnaforðann eða fá lengri hvíld á milli æfinga (amk  sólarhring) eru 5g/kg ágætt viðmið og sama má segja um kraftþjálfun, þar er hæfilegt að miða við 5-6 g/kg en þar sem þeir einstaklingar sem náð hafa góðri vöðvauppbyggingu eru almennt þyngri en þolíþróttafólk er magnið oft jafnt eða meira.

Tvö dæmi.

Skoðum tvö dæmi – kvenkyns ballettdansara og körfuboltamann. Ef við gerum ráð fyrir að dansarinn sé 50 kg og við miðum við að hún þurfi um 5g/kg af kolvetnum á dag þá þarf hún almennt í kringum 250 g af kolvetnum á dag.  Sé miðað við að orkuþörfin sé 2500 kcal (=hitaeiningar) jafngildir það 40% orkunnar úr kolvetnum. Ef æfingamagnið er hins vegar minna og orkuþörfin ekki nema um 2000 kcal á dag er þetta hlutfall orðið 50%. Körfuboltakappinn er 95 kg og þarf 5000 kcal á dag. Hann er í stífri þjálfun tvisvar á dag og þarf því að hafa kolvetnamagnið í 7-10 g/kg. Það jafngildir 665-950g af kolvetnum! Þetta samsvarar 53-76% orkunnar. Flestir eiga erfitt með að ná þessu magni og rannsóknir á íþróttafólki benda til að fáir séu að innbyrða meira en 4 g/kg, það er ekki nema um 30% orkunnar.

Hvaðan koma kolvetnin?

Það er auðvitað ekki sama hvaðan kolvetnin koma. Almennt vantar bæði grænmeti, ávexti og ber í fæði Íslendinga auk grófs kornmetis og heilkorns; þetta á jafnt við um íþróttafólk sem almenning. Auk þess má fá góða blöndu próteina og kolvetna úr fræjum og hnetum sem um leið auka trefjarnar í fæðunni.  Því meira sem þjálfunarálagið verður og kolvetna og orkuþörfin meiri má hins vegar gera ráð fyrir að bæta við kolvetnaríkum matvælum sem ekki veita jafnmikið magn trefja því þær veita þá svo mikla seddu að það getur komið í veg fyrir að íþróttafólk fái nóg að borða. Fyrir meðalmanneskjuna sem þarf rétt í kringum 2000-3000 kcal á dag er hins vegar lítið pláss fyrir annað en gæðakolvetni; þ.e. sætindi, bakarísvörur  og flestir drykkir sem veita orku, ekki bara gosdrykkir heldur einnig safar að ógleymdum bjórnum þurfa að vera á sparilista ef vel á að vera. Það er kannski þess vegna sem kolvetnasnauða mataræðið hljómar vel í augum margra, því þá fara þessar vörur ósjálfrátt á bannlista og eftir stendur talsvert minna úrval og færri hitaeiningar til að falla fyrir. Verst er bara að um leið missum við af slatta af tækifærum til að innbyrða mikilvægar trefjar og andoxunarefni, ef bara má borða grænmeti sem vex ofanjarðar dugir það eitt og sér skammt til að fylla þá þörf. Hitt ber svo einnig að hafa í huga að umframmagn kolvetna, rétt eins og umframmagn orku úr fæði almennt, umbreytist alltaf að lokum í líkamsfitu, meira er því aldrei betra, það gengur allt út á að finna rétta jafnvægið og læra á eigin líkama.

Fyrir þá sem ætla sér að láta þjálfunina skila árangri í formi íþróttaafreka en ekki bara á vigtinni er mikilvægt að hafa í huga að þótt líkaminn geti aðlagast kolvetnasnauðu fæði, og 50-100 g virðist almennt duga til að sjá þeim líkamshlutum sem háðir eru kolvetnum fyrir sínu, þá er ekki endilega neinn tilgangur í að forðast kolvetni og það getur jafnvel komið í veg fyrir að þú standir uppi sem sigurvegari. Þótt líkaminn geti vanist ýmsu þá er það einfaldlega þannig að loftfirrt þjálfun, sem felur í sér mikla ákefð á stuttum tíma s.s. að geta tekið spretti og lyft lóðum, er háð aðgengi að kolvetnum og getan takmarkast því þegar kolvetnabirgðir líkamans tæmast. Ef markmiðið er hins vegar útlit umfram árangur má vel vera að kolvetnasnauða leiðin henti því um leið og kolvetnabirgðirnar tæmast fara um 2 kg af vatni, það getur skipt máli tímabundið ef stunduð er íþrótt þar sem skipt er í þyngdarflokka og ef ekki þarf að skila hámarksafköstum í sömu andránni getur kolvetnasvelti vel verið tímabundin lausn.  Til lengri tíma litið er þó ágætt að spyrja sig hvort þetta snúist um árangur eða útlitið.

Dr. Anna Sigríður Ólafsdóttir, næringafræðingur.Dósent á Menntavísindasviði Háskóla Íslands, ráðgjafi og hóptímakennari í World Class.